Pages

Monday, August 7, 2017

തമ്മിൽ ഭേദം

നിത്യമായ ആതിത്ഥ്യം സ്വീകരിച്ച്
ദൈവത്തിന്റെ വീട്ടിലേക്ക് പോവാൻ
തുടങ്ങുകയാണ് താനെന്ന്
പറയാനാഞ്ഞതായിരുന്നു അയാൾ
പെട്ടെന്ന് ബസ്സ് വന്നു
വല്ലപാടും അകത്ത് സ്വയം തിരുകിക്കയറ്റിവെച്ച്
പുറത്തേക്ക് കണ്ണയച്ചപ്പോൾ തോന്നി
കൊള്ളാം,തിക്കും തിരക്കും
വെടിയും പൊടിയുമൊക്കെ ഉണ്ടെങ്കിലും
ഇനിയും കുറച്ചുകാലത്തേക്ക് ഇവിടെയിങ്ങനെ കഴിയാം
ദൈവത്തിന്റെ വീട്ടിൽ പാലും പഴവും കഴിച്ച്
സദാസമയവും ഭക്തിഗാനങ്ങളും കേട്ട്
ഇരിക്കേണ്ടി വന്നാലത്തെ സ്ഥിതിയെന്താണ്?