കാലം

മഹത്തായ ആശയങ്ങൾ, ആദർശങ്ങൾ
മഹാസ്വപ്നങ്ങൾ,സ്മരണകൾ
ഇല്ല;ഒന്നും അവശഷിക്കുന്നില്ല
വിശ്വാസത്തിന്റെ ദാർഢ്യം
വിവേകത്തിന്റെ വെളിച്ചം
വിശുദ്ധിയുടെ ഭംഗി
ഇല്ല; ഒന്നിനും ഇടമില്ല
വാഗ്ദാനങ്ങൾ,വാക്കാൽ നൽകിയ ഉറപ്പുകൾ
ഇല്ല;ഒന്നും പാലിക്കപ്പെടുന്നില്ല
സൗഹൃദത്തിന്റെ സന്തോഷം
സാഹോദര്യത്തിന്റെ സൗന്ദര്യം
ഇല്ല;ഒന്നും സത്യമായിത്തീരുന്നില്ല
കയ്യേറിയ മലമുടിയിൽ
ആളും ആനയുമടുക്കാതിരിക്കാൻ
വൈദ്യുതിവേലി കെട്ടി സ്ഥാപിച്ച
കുരിശിന് കാവൽ നിൽക്കുന്ന കാലം
കഷ്ടം,മറ്റെല്ലാം മറന്നു പോയിരിക്കുന്നു.

21/4/2017