അനുയായി

എന്റെ ചോദ്യത്തിന് താങ്കൾ മറുപടി പറയാതിരുന്നതെന്താണ്?
ചോദ്യം എനിക്ക് മനസ്സിലായില്ല സുഹൃത്തേ
എന്റെ വിശദീകരണം താങ്കളെ തൃപ്തിപ്പെടുത്താതിരുന്നതെന്തുകൊണ്ടാണ്?
എനിക്കത് മനസ്സിലായില്ല സുഹൃത്തേ
എന്റെ സംശയം താങ്കൾ പങ്കുവെക്കാതിരുന്നതെന്തുകൊണ്ടാണ്?
എനിക്കൊരു സംശയവുമില്ല സുഹൃത്തേ
ഞാൻ ചോദ്യങ്ങളാലും ഉത്തരങ്ങളാലും സംശയങ്ങളാലും
സ്പർശിക്കപ്പെടാത്ത അവസ്ഥയാലാണ്
ഞാൻ അനുസരണയുള്ള അനുയായിയാണ്.