വിടില്ല ഞാൻ

അഹങ്കാരം എഴുത്തുകാരന് അവശ്യം വേണ്ട ഒരു ഗുണമാണെന്നു കരുതുതുന്നവരുടെ എണ്ണം കൂടിക്കൂടി വരികയാണെന്നു തോന്നുന്നു.വലിയ അഹങ്കാരികളും തീരെ അഹങ്കാരമില്ലാത്തവരും  എഴുത്തുകാർ ക്കിടയിലുണ്ട്.എഴുത്തിന്റെ ഗുണനിലവാരത്തിൽ എഴുതുന്നയാളുടെ അഹങ്കാരം അനുകൂലഫലമുണ്ടാക്കുമെന്ന ധാരണ എന്തായാലും ഞാൻ പങ്കുവെക്കാൻ ഉദ്ദേശിക്കുന്നില്ല. സ്വയം അവഗണിക്കാനുള്ള, അല്ലെങ്കിൽ എഴുത്തിനുമേൽ തന്നെത്തന്നെ അവരോധിക്കാനുള്ള ആഗ്രഹത്തെ നിരാ കരിക്കാനുള്ള, ശേഷി കൂടി എഴുത്തിനു പിന്നിൽ പ്രവർത്തിക്കണം എന്ന് എന്നോടുതന്നെ ഞാൻ നിർദ്ദേശിക്കാറുണ്ട്.പൂർണമായ അനുസരണശീലം ഇല്ലാ ത്തതിനാൽ ആ നിർദ്ദേശം ഉദ്ദേശിച്ച അളവിൽ ഫലം ചെയ്യാറില്ലെന്നറി യാം.എങ്കിലും എന്നിലെ എന്നെ അങ്ങനെ ഞാൻ വിടാൻ പോവുന്നില്ല.
                                                                                                              30/10/2015