വലിയ വാക്കുകള്
ഉരുള്പൊട്ടലിലെ പാറക്കല്ലുകള് പോലെ
വന്നുവീണാല്
ദൈവമേ,എന്റെ കവിത ചതഞ്ഞരഞ്ഞ്
ചത്തുപോകും
ചെറിയ മനുഷ്യര്ക്കൊപ്പം
അവരുടെ അറിവുകേടുകള്ക്കൊപ്പം
അരിഷ്ടിച്ചരിഷ്ടിച്ചു വളര്ന്ന
അല്പപ്രാണനാണത്
കഠിനമായൊരു പദം,ധ്വനിഭാരം
ചുമക്കുന്ന ഒരുചിഹ്നം,
മനസ്സിന്റെ കൈകള്ക്ക്
പരസഹായമില്ലാതെ
എടുത്തുയര്ത്താനാവാത്ത ഒരു ബിംബം
ഒന്നിനെയും അതിന് താങ്ങാനാവില്ല
അല്പപ്രാണനാണത്.
No comments:
Post a Comment