ദാസന്മാർ

തെറ്റും ശരിയും തിരിച്ചറിയാൻ
നിങ്ങൾക്കോ എനിക്കോ
വിഷമമേതുമില്ല
എങ്കിലും തെറ്റേത്,ശരിയേത്
എന്നു ഞാനറിയുന്നില്ല
കണ്ടുകണ്ടിരിക്കെ തെറ്റ് ശരിയാകാം
ശരി തെറ്റുമാകാം
എന്നു പറയാനാണ് നമുക്ക് താൽപര്യം
നാം കാപട്യം ശീലിച്ചുപോയതുകൊണ്ടല്ല
നമ്മുടെ കാലം നമ്മിൽ നിന്നാവശ്യപ്പെടുന്നത്
അത് മാത്രമാണ്
പ്രാചീനരെന്ന പോലെ ആധുനികരും
ആധുനികരെന്ന പോലെ ആധുനികോത്തരരും
കാലത്തിന്റെ ദാസന്മാർ തന്നെ.