മിസ്റ്റിക്

എനിക്ക് മിസ്റ്റിസിസം വേണമെന്ന്
നിങ്ങൾക്ക് നിർബന്ധമാണെങ്കിൽ
ശരി, നല്ലത്,എനിക്കുമുണ്ടൊരു മിസ്റ്റിസിസം
ഞാനൊരു മിസ്റ്റിക്കാണ്
പക്ഷേ,ശരീരം കൊണ്ടു മാത്രം
എന്റെ ആത്മാവ് സരളമാണ്
അത് ചിന്തിക്കാറില്ല
എന്റെ മിസ്റ്റിസിസം അറിവിനെ ആവശ്യപ്പെടുന്നില്ല
ജീവിക്കുക,അതേ കുറിച്ച് ചിന്തിക്കാതിരിക്കുക
അതാണെന്റെ മിസ്റ്റിസിസം
പ്രകൃതി എന്താണെന്നെനിക്കറിയില്ല
ഞാൻ അതിന്റെ പാട്ടുകാരനാണെന്നു മാത്രം
ഞാനൊരു കുന്നിൻ മുകളിലാണ് ജീവിക്കുന്നത്
വെള്ളയടിച്ച ഏകാന്തഭവനത്തിൽ
അത്രയും മതി എന്നെ നിർവചിക്കാൻ
(ഫെർനാൺഡോ പെസ്സോവിന്റെ ശീർഷകമില്ലാത്ത മറ്റൊരു കവിതയുടെ പരിഭാഷ)